[ قَالَ اهْبِطُوا بَعْضُكُمْ لِبَعْضٍ عَدُوٌّ ] خوای گه‌وره‌ فه‌رمووی: ده‌ی دابه‌زن بۆ سه‌ر ڕووی زه‌وی كه‌ هه‌ندێكتان ئه‌بن به‌ دوژمنى هه‌ندێكتان، واته‌: ئیبلیس ئه‌بێته‌ دوژمن بۆ ئێوه‌ [ وَلَكُمْ فِي الْأَرْضِ مُسْتَقَرٌّ ] وه‌ له‌سه‌ر زه‌وی به‌ زیندوویى و له‌ ژێر زه‌وی به‌ مردوویی ئێوه‌ نیشته‌جێ و جێگیر ئه‌بن [ وَمَتَاعٌ إِلَى حِينٍ (٢٤) ] وه‌ له‌ دونیادا كات به‌سه‌ر ئه‌به‌ن تا كاتی دیاریكراوی خۆتان كه‌ ئه‌جه‌لتان دێت و ئه‌مرن.